LONG ISLAND TEA

Ќе се излажете ако си помислите дека Long Island Iced Tea е коктел во чија основа е ладниот чај.

Иако звучи како лесен коктел, напротив – тој содржи многу алкохол и не е препорачлив за консумација преку денот ако сe уште имате обврски. И покрај големата количина на алкохол, Long Island Iced Tea некако успева да има одличен вкус.

Состојки:

- 15ml вотка
- 15ml џин
- 15ml текила
- 15ml ликер од портокал (Triple sec, Cointreau)
- 15ml рум
- 30ml сок од зелен лимон
- 1 ч.л. шеќер
- Кока-кола
- мраз
 

Подготовка:

Long Island Iced Tea се служи во висока тенка чаша без рачка.

Наполнете ја чашата до половина со мраз и оставете ја настрана.
Во шејкер ставете ги петте алкохолни пијалоци, сокот од зелен лимон и шеќерот.
Растресете го шејкерот околу 20 секунди.
Налејте ја течноста во чашата.
Дополнете ја чашата со малку Кока-кола, за коктелот да добие боја на ладен чај.
Украсете со парче лимон.